Boodskap van die Hoof

‘n Woord van hartlike welkom aan elke ouer en kind by Laerskool Horison. ‘n Spesiale welkom aan alle nuwe ouers. Dit is ons wens dat Laerskool Horison voortdurend aan u (asook aan die gevestigde ouers) se hoogste verwagtinge sal voldoen en dat u ook met genoegdoening sal deel in ons skool se aktiwiteite.
Ons was werklik geseën met ‘n baie mooi jaar in 2016 vol hoogtepunte en prestasies.  Ons is baie trots om te kan sê 5 van ons oud-Hories het 5 en meer onderskeidings in die 2016 matriekeksamen behaal. Donovan Slabbert van Hoërskool Florida het 8 onderskeidings behaal.

Ons het ook vanjaar e-beam geïnstalleer by die graad 4 en 5 klasse om die lesse meer visueel en interaktief aan te bied.

Ons is ook baie bly om in ‘n netjies geverfde skool in te stap.  Die tuine lyk ook baie netjies met al die reën wat geval het en die ekstra aandag wat ons ook hieraan bestee het.

Ons wens almal ‘n baie geseënde en voorspoedige jaar toe vol van geluk en voorspoed.

SIT JOU GLIMLAG LANGS MYNE!

GF VAN DER WALT
Hoof

Hoofleiers 2017

Agter: Annerine Steyn (onderhoofdogter). Voor vlnr: Sonia Botha (onderhoofdogter), Meagan Bezuidenhout (hoofdogter), Konrad Wepener (hoofseun), Regardt van der Riet (onderhoofseun)