Laai...

Hartlik welkom

Boodskap van die hoof

2020

Wees doelgerig

‘n Woord van hartlike welkom aan elke ouer en kind by Laerskool Horison. ‘n Spesiale welkom aan alle nuwe ouers. Dit is ons wens dat Laerskool Horison voortdurend aan u (asook aan die gevestigde ouers) se hoogste verwagtinge sal voldoen en dat u ook met genoegdoening sal deel in ons skool se aktiwiteite.

As ek terugkyk op 2019 is ek baie dankbaar vir al die seëninge. Ons grootste doelwit is om gelukkige leerders te hê wat presteer volgens hulle potensiaal. Ons is baie dankbaar vir al die mooi prestasies.

wees doelgerig

“Horie, dis ‘n storie?” was op kultuurgebied, die grootste storie in 2019. As ons na al die gelukwensings en positiewe terugvoer kyk, was dit ‘n groot sukses. Geïnspireer, geskryf en afgerig deur ons eie personeel, met ‘n doelwit van massa-deelname, wou ons die gehore laat lag en dit geniet. Harde werk en lang ure was aan die orde van die dag, maar as ons sien hoe die leerders dit geniet het en hoe mooi hulle ontwikkel het, maak dit die groot poging die moeite werd.

Ons seniorkoor het ook verlede jaar briljant presteer.

Ons het vir die eerste keer aan die “Sing in Harmonie” kompetisie deelgeneem en deurgedring na die Gauteng-finaal. Ons koor het drie keer op televisie verskyn. Hierdie is prestasies om op trots te wees, maar ons weet daar is hard gewerk om dit reg te kry.

Op sportgebied het ons leerders op verskeie gebiede baie mooi presteer, met die hoogtepunt ons o/13 A-netbalspan wat 6 de geëindig het op die SA-kampioenskappe. Ons is baie trots op hierdie dogters en hulle afrigter me. Nelie Kok, wat baie hard gewerk het. Tydens hierdie kampioenskappe is Kiara ook aangewys as die “Moment Maker” van die toernooi.

Ons sien werklik uit na ‘n opwindende jaar en wens almal ‘n baie geseënde en voorspoedige jaar toe vol van geluk en voorspoed.

SIT JOU GLIMLAG LANGS MYNE!

GF VAN DER WALT

Hoof

VISIE: Om te streef na uitnemendheid in onderrig en opvoeding as ʼn waardegedrewe Afrikaanse Laerskool.
  • Verskaffing van voortreflike, relevante, bekostigbare opvoeding en onderwys in Afrikaans as voertaal.
  • Die handhawing van die hoogste moontlik onderwysstandaarde op ʼn gedifferensieërde basis deur ʼn hoogs bekwame, opgeleide onderwyskorps.
  • Die handhawing van ʼn gesonde balans tussen akademiese-, sport-, kulturele- en geestelike ontwikkeling.
  • Die handhawing van ʼn goeie en samewerkende verhouding tussen onderwysers, ouers en leerders wat bydra tot positiewe betrokkenheid.

hoekom laerskool horison

kies die beste laerskool vir jou kind

Waardes

Ten einde lewenskwaliteite by ons leerders vas te lê, volg ons ʼn waardestelsel.

Dissipline

ʼn Dissiplinêre opvoedingbeleid wat waardigheid, eerlikheid en respek inkweek.

Holistiese Ontwikkeling

Om leerders in hulle totaliteit te ontwikkel.

Afrikaanse kultuur

Die verskaffing van voortreflike, relevante opvoeding en onderwys in Afrikaans vanuit die volkseie kultuur milieu.

Bekwame onderwysers

Die handhawing van die hoogste moontlik onderwysstandaarde op ʼn gedifferensieerde basis deur ʼn hoogs bekwame opgeleide onderwyskorps.

Betrokkenhied

Die handhawing van ʼn goeie, samewerkende verhouding tussen onderwysers, ouers en leerders wat bydra tot positiewe betrokkenheid

het jy geweet

so paar koel feite oor ons skool
740
Leerlinge
1200000
Akademie Ure
Ontelbaar
Ontelbare Glimlaggies
Is u gereed om by HORIES aan te sluit?
registrasie Blad

wat se ONS ouers

Kontak besonderhede

kontak ons gerus
Vind ons op Google Kaarte
Google Maps by Embedgooglemap.net
Skool Adres
Hoek Van Weaverstraat en Moutonstraat
Horison, Roodepoort
Johannesburg 1724
Gauteng
-26.141650, 27.881039
Kontak Informasie
Kantoor: 011 763-5617 / 18
Faks: 086 665 9529
hoof@horison.co.za
bl@horison.co.za
Kantoor ure: 07:30 – 14:30